వాన కాలంలో తీసుకోవాల్సిన జాగ్రత్తలు ! సీసనల్ వ్యాధులకు పరిష్కారం

 వర్షం మనకు జీవితాన్ని మరియు శక్తిని అందిస్తుంది. ఎండాకాలం తరువాత వచ్చే వర్షాకాలం భూమి యొక్క వేడి ని తగ్గించి చాలా అవసరమైన ఉపశమనాన్ని తెస్తుంది. అయితే భారీ వర్షాలు దోమలు పెరగడానికి కారణం గా మారుతాయి. తడి తో కూడిన కూడిన వాతావరణాన్ని కలిగిస్తాయి. దీంతో అనేక సూక్ష్మజీవుల ద్వారా వ్యాపించే వ్యాధులు వేగంగా వ్యాప్తి చెందుతాయి. మలేరియా, డెంగ్యూ, ఫ్లూ, చికున్‌గున్యా, లెప్టోస్పిరోసిస్, సెల్యులైటిస్ మొదలైనవి వర్షాకాలంలో మీ ఆరోగ్యానికి ముప్పు కలిగించే కొన్ని వ్యాధులుగా చెబుతారు.

ఆరోగ్యంగా ఉండడానికి పాటించక తప్పదు 

వర్షాకాలం ఆరోగ్యం కాపాడుకోవడానికి ఆరోగ్య చిట్కాలు అయితే మనం ఆరోగ్యంగా మరియు ఫిట్‌గా ఉంటేనే ఏ సీజన్‌ని అయినా ఆస్వాదించగలుగుతాం. వర్షాకాలంలో ఆరోగ్యంగా ఉండడానికి 7 ప్రాథమిక ఆరోగ్య చిట్కాలు పాటిస్తే మంచిదని వైద్య నిపుణులు చెబుతున్నారు. చిన్న చిన్న జాగ్రత్తలు తీసుకుంటే వర్షాకాలంలో వచ్చే సీజనల్ వ్యాధుల నుండి తప్పించుకునే అవకాశం ఉంటుందని సూచిస్తున్నారు.

పరిశుభ్రమైన నీరు త్రాగడానికి ప్రాధాన్యతనివ్వాలి వర్షాకాలంలో వర్షాల ప్రభావంతో నీటి వనరులు కలుషితమయ్యే అవకాశాలు ఎక్కువగా ఉండటం వల్ల కడుపునొప్పి వంటి ఇబ్బందులు చోటుచేసుకుంటాయి. సురక్షితమైన కాచి చల్లార్చిన నీటిని తాగాలని వైద్యులు సూచిస్తున్నారు. ఇక ఇదే సమయంలో మీరు ప్రయాణిస్తుంటే, మీ వాటర్ బాటిల్‌ను మీతో తీసుకెళ్లండి లేదా సీలు చేసిన, ప్యాక్ చేసిన త్రాగు నీటిని తీసుకోండి.

ప్రోబయోటిక్స్ మరియు తాజా కూరగాయలు తీసుకుంటే మంచిది మీ జీర్ణ ప్రక్రియ ఎల్లప్పుడూ ఈజీగా ఉండేలా చూసుకోవడం మంచిది. పెరుగు మొదలైన ప్రోబయోటిక్స్ తీసుకోండి. ఇవి శరీరం లోపల కావలసిన మంచి బ్యాక్టీరియాను పెంపొందిస్తాయి. వర్షాకాలంలో నిల్వచేసిన ఆహారాన్ని తీసుకోవడం మానుకోండి ఎందుకంటే అవి ప్రారంభంలోనే ఇన్ఫెక్షన్ కలిగించే క్రిములను ఆకర్షించవచ్చు. ప్రోటీన్లు, ఫైబర్ మరియు ఇతర పోషకాలను పుష్కలంగా పొందడానికి మీ ఆహారంలో తాజా కూరగాయలను చేర్చండి. కూరగాయలను బాగా కడగాలి . ఇక వీలైనంత వరకు పచ్చి ఆహారాన్ని తినకుండా ఉండండి. ఉడికించిన ఆహారాన్ని మాత్రమే తీసుకోండి

స్ట్రీట్ ఫుడ్ నివారించండి వర్షాకాలంలో స్ట్రీట్ ఫుడ్ నివారించటం మంచిదని సూచించబడింది. వీధి ఆహారం సాధారణంగా మసాలా, జంక్ ఫుడ్ కావడంతో కడుపు ఉబ్బరం, గ్యాస్ మరియు అజీర్ణానికి దారితీస్తుంది. స్ట్రీట్ ఫుడ్ బండ్ల వద్ద ఆహారాన్ని తయారు చేయడానికి ఉపయోగించే కూరగాయలు మరియు నీరు స్థిరమైన తేమకు గురికావచ్చు మరియు కలుషితం కావచ్చు. ఈ అపరిశుభ్రమైన పరిస్థితులు టైఫాయిడ్ నుండి కలరా వరకు అనేక రకాల ఇన్ఫెక్షన్‌లకు కారణం కావచ్చు అని చెబుతున్నారు. ఏ ఆహారం తీసుకున్నా అతిగా తినకుండా మితంగా తినాలని సూచిస్తున్నారు

 

వర్షంలో ఎక్కువగా తడవడం మంచిది కాదు చాలామంది వర్షం పడుతుంది అంటే చాలు వర్షంలో తడవటానికి ఇష్టపడతారు. వర్షంలో తడుస్తూ కొంత సమయం గడపాలి అనుకుంటారు. అయితే వర్షాలలో ఎక్కువ సమయం తడవడం మంచిదికాదని సూచిస్తున్నారు. ఒకవేళ అలా వర్షంలో తడిసినప్పటికీ, వెంటనే వేడి నీళ్లతో స్నానం చేయాలని సూచిస్తున్నారు. వర్షపు నీళ్లతో పాటు వచ్చే కాలుష్య కారకాలు మన చర్మానికి, జుట్టుకి హాని చేకూరుస్తాయని, అనారోగ్యాన్ని కలిగిస్తాయి అని చెబుతున్నారు.

రోగనిరోధక శక్తిని పెంచే పండ్లను ఎక్కువగా తినండి రోజుకో యాపిల్ తినడం మంచిదని సూచిస్తున్నారు. వర్షాకాలంలో నారింజ వంటి విటమిన్ సి అధికంగా ఉండే పండ్లతో పాటు, బత్తాయి వంటి పండ్లను తీసుకోవాలని చెబుతున్నారు. నిజంగా కాలేయంలో ఉన్న టాక్సిన్స్‌ను శుభ్రం చేయడంలో మరియు మీ రోగనిరోధక శక్తిని పెంచడంలో యాపిల్ చాలా సహాయపడుతుంది. పండ్లలో విటమిన్లు మరియు ఖనిజాల సహజ వనరులు ఒక వ్యక్తి ఆరోగ్యం, బలాన్ని కాపాడుకోవడానికి అవసరమైనవని చెప్తున్నారు.

దోమలు, రకరకాల పురుగుల బారి నుండి కాపాడుకోండి రోడ్లపై అధిక వర్షపు నీరు నిండి వున్న ప్రదేశాలలో ఉద్దేశపూర్వకంగా నడవకండి. ఇవి మలేరియా మరియు డెంగ్యూ వంటి అనేక ప్రాణాంతక వ్యాధులకు వాహకాలుగా ఉన్న దోమలకు సంతానోత్పత్తి కేంద్రాలు. ముఖ్యంగా సాయంత్రం పూట బయటకు వెళ్లేటప్పుడు పురుగుల నిరోధకాలు, దోమల బారినుండి కాపాడుకునేలా ఫుల్ స్లీవ్ దుస్తులు ధరించండి.

మీ ఆరోగ్యానికి ప్రాధాన్యత ఇవ్వండి , రోగనిర్ధారణ పరీక్షలను ఆలస్యం చేయవద్దు ఇక వర్షాకాలంలో జ్వరాలు, జలుబు, దగ్గు వంటి అనేక అనారోగ్య సమస్యలు వచ్చినపుడు నిర్లక్ష్యం చేయకుండా వెంటనే వైద్యున్ని సంప్రదించండి. ఇక రోగ నిర్ధారణ పరీక్షల విషయంలో కూడా ఆలస్యం చేయకుండా జాగ్రత్తగా వ్యవహరించండి. రోగాలు రాకుండా జాగ్రత్తపడండి. ఒకవేళ వస్తే వెంటనే వైద్యున్ని సంప్రదించి చికిత్స తీసుకోండి. వర్షాకాలంలో వచ్చే సీజనల్ వ్యాధుల పట్ల అప్రమత్తంగా లేకుంటే తీవ్ర ఇబ్బంది ఎదుర్కోవాల్సి వస్తుంది. కాబట్టి మీ ఆరోగ్యానికి మీరే ప్రాధాన్యత ఇవ్వండి. disclaimer: ఈ కథనం వైద్య నిపుణుల సూచనలు మరియు ఇంటర్నెట్‌లో అందుబాటులో ఉన్న అంశాల ఆధారంగా రూపొందించబడింది. అందరి టీవీ  దీనిని ధృవీకరించలేదు.