యాక్షన్‌ ఘట్టాల్లో బిజీ బిజీగా విశ్వంభర
Date: 2024-06-26
అందరి టీవీ డిజిటల్ ,సినిమా
మెగాస్టార్‌ చిరంజీవి కథానాయకుడిగా ‘బింబిసార’ ఫేమ్‌ వశిష్ట దర్శకత్వంలో తెరకెక్కుతున్న సోషియో ఫాంటసీ చిత్రం ‘విశ్వంభర’. యూవీ క్రియేషన్స్‌ పతాకంపై విక్రమ్‌, వంశీ, ప్రమోద్‌ నిర్మిస్తున్నారు. ప్రస్తుతం హైదరాబాద్‌లో చిత్రీకరణ జరుగుతున్నది. ఫైట్‌ మాస్టర్స్‌ రామ్‌-లక్ష్మణ్‌ నేతృత్వంలో భారీ పోరాట ఘట్టాలను తెరకెక్కిస్తున్నారు
.
చిరంజీవితో పాటు పలువురు ముఖ్యతారాగణం ఈ షెడ్యూల్‌లో భాగమవుతున్నారని తెలిసింది. ఈ పోరాట ఘట్టాలు సినిమాకు హైలైట్‌గా నిలుస్తాయని, చిరంజీవి మేకోవర్‌ అభిమానులను అలరిస్తుందని చిత్రబృందం చెబుతున్నది. పంచభూతాలు, ముల్లోకాల కాన్సెప్ట్స్‌ ప్రధానంగా ఫాంటసీ అడ్వెంచరస్‌ థ్రిల్లర్‌గా ఈ చిత్రాన్ని రూపొందిస్తున్నట్లు సమాచారం. వచ్చే ఏడాది సంక్రాంతికి ఈ చిత్రం ప్రేక్షకుల ముందుకురానుంది.
