అందరి టీవీ డిజిటల్ న్యూస్ నర్సంపేట,సెప్టెంబర్ 10:వివిధ రంగాల్లో ప్రతిభ కనబరుస్తూ, ఉన్నత పదవులకు ఎన్నికై, ఉత్తమ సేవలకు గుర్తింపు పొందిన వరంగల్ రోడ్ వాకర్స్ అసోసియేషన్ సభ్యులను ఘనంగా సన్మానించారు. వరంగల్ రోడ్ వాకర్స్ అసోసియేషన్ అధ్యక్షులు నాగిశెట్టి ప్రసాద్ ఆధ్వర్యంలో నిర్వహించిన ఈ అభినందన కార్యక్రమం ఆత్మీయ వాతావరణంలో జరిగింది.
ఈ సందర్భంగా ఖానాపురం మండలం P.R.T.U. మండల అధ్యక్షులుగా ఎన్నికైన అల్వాల భిక్షపతి, పద్మశాలి సంఘం జనరల్ సెక్రటరీగా ఎన్నికైన పెండం భాస్కర్, లయన్స్ క్లబ్ అధ్యక్షులుగా ఎన్నికైన మోతే ఇంద్రసేనారెడ్డి, జిల్లా ఉత్తమ ఉపాధ్యాయులుగా ఎంపికైన జరుపుల భద్రు, మండల ఉత్తమ ఉపాధ్యాయులుగా ఎంపికైన భూక్య రాజలింగం, పద్మశాలి సంఘం సంయుక్త కార్యదర్శిగా ఎన్నికైన పెండం రాజులను అసోసియేషన్ సభ్యులు ఘనంగా సన్మానించారు.
ఈ సందర్భంగా వాకర్స్ అసోసియేషన్ అధ్యక్షులు నాగిశెట్టి ప్రసాద్ మాట్లాడుతూ, వాకర్స్ అసోసియేషన్ కేవలం ఆరోగ్య పరిరక్షణకు మాత్రమే పరిమితం కాకుండా, సభ్యుల ప్రతిభను గుర్తించి ప్రోత్సహించే ఆత్మీయ కుటుంబంగా ముందుకు సాగుతోందన్నారు. అసోసియేషన్ సభ్యులు వివిధ రంగాల్లో సాధిస్తున్న విజయాలు మొత్తం వాకర్స్ కుటుంబానికి గర్వకారణమని పేర్కొన్నారు.
ఒకరి విజయాన్ని మరొకరు ప్రోత్సహించుకోవడం ద్వారా సభ్యుల మధ్య ఐక్యత, ఆత్మీయత మరింత బలపడటంతో పాటు సమాజంలో సానుకూల వాతావరణం ఏర్పడుతుందని నాగిశెట్టి ప్రసాద్ అన్నారు.
“మన సభ్యుల విజయాలు వ్యక్తిగత విజయాలు మాత్రమే కాదు… అవి మొత్తం వాకర్స్ అసోసియేషన్ కుటుంబానికి గర్వకారణం. ప్రతిభను గుర్తించడం, సేవలను గౌరవించడం, విజయాలను అభినందించడం మనందరి బాధ్యత” అని ఆయన పేర్కొన్నారు.
ఈ కార్యక్రమంలో గాజుల సాంబయ్య, మోర్తాల రామ్రాజు, దూపటి కృష్ణమూర్తి, అబ్బరవొయిన వెంకన్న, కుతూరు వీరారెడ్డి, జూలపల్లి రాజేశ్వరరావు, గద్దే శ్రీనివాసరావు, బండి సుధాకర్, వంకాయలపాటి భద్రి, వడిచర్ల సురేష్, కొలువుల శ్రీనివాసు తదితర వాకర్స్ అసోసియేషన్ సభ్యులు పాల్గొన్నారు.
సభ్యుల ప్రతిభను గుర్తించి ప్రోత్సహించే ఇలాంటి అభినందన కార్యక్రమాలను భవిష్యత్తులోనూ కొనసాగిస్తామని అసోసియేషన్ ప్రతినిధులు తెలిపారు.
